0

Само затоа што двособен стан звучи како мал простор, тоа не значи дека не може да биде вистински дом од соништата. Ви претставуваме дом со релативно мала површина кој е пример дека скромните димензии не се никаква пречка за постигнување елегантен, софистициран и луксузен амбиент во ентериерот. Станува збор за ремек-дело од областа на внатрешниот дизајн, зад чиј план и уредување се потпишува студиото ,,SVOYA”, сочинето од многу млада, но исклучително талентирана група на архитекти од Украина. Првото нешто кое е воочливо при влегувањето во станот е едноставниот, минималистички ходник со црн орман, две лампи и голема урбана фотографија на ѕидот. Со ваквиот потег е постигната пријатна атмосфера, особено навечер, а нагласено е и дека во домот живеат млади луѓе. Една од главните карактеристики на станот е отворениот простор кој ги поврзува речиси сите соби во една убава целина.

1

Модерниот дневен престој е средиштето на апартманот, со прекрасен поглед на надворешноста и голема количина на природна светлина која продира во внатрешноста. Распоредот на станот е интересен, а сите соби се доволно пространи и воздушести. Кујнскиот остров го издвојува катчето за готвење од ходникот, а пак дневната соба располага со бар кој е позициониран паралелно со островот. На тој начин е создадена мала зона помеѓу кујната и дневниот престој, па остануваат одвоени, иако се поврзани. Најимпресивниот дел е спалната соба, чиј дизајн се базира на темните нијанси, односно на деликатна комбинација на темно кафените тонови и белата боја. Луксузната бања е издвоена од спалната со темна завеса од подот до плафонот, и претставува уште една креативна идеја која можете да ја сретнете во овој ентериер. Инспирирајте се!

2

3

4

5

6

7

8

9

10

11

12

13

14

15

16

17

18

19

20

21

СПОДЕЛИ
Претходна објаваИзвадоци од стихозбирка "Темјанушка"
Следна објаваКуќа покрај езеро
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ