My Happy End (Среќен крај) е краток анимиран филм во режија на Milen Vitanov од продукцијата за анимирани филмови Talking Animals од Берлин. Добитник е на бројни награди на фестивали ширум целиот свет. Во филмот се прикажани авантурите на едно куче кое откако успева да си го фати опавчето, се спријателува со него и му се менува целиот живот. Едноставна идеја обработена низ теми за пријателството, љубовта и потребата на секое суштество да си најде партнер со кој ќе го поминува времето. Шармантна анимација која ќе ве наполни со позитивна енергија.
