0000 (2)

Тоа бил предлогот на бразилските архитекти Nilton Montarroyos и Andressa Fonseca, кои добиле задача да создадат мини дом во студио со површина од 40 метри квадратни. Спротивно на очекувањата, тие креирале животен простор за спротивниот пол, па така aрхитектот имал предизвик студиото да го прилагоди на стилот на млада жена, додека неговата колешка станот со иста квадратура и ист распоред го преуредила за момче со слободен дух. Покрај промената на декорот, архитектите направиле уште неколку измени. Иако и во двата случаи кујната е отворена кон дневниот престој, сепак преостанатиот простор во ентериерот е организиран на различни начини. Во женската верзија на станот, спалната соба е лоцирана во посебна просторија. Архитектот сакал да ја оддели оваа соба од дневниот престој, поставувајќи дрвена преграда во бела боја. Дизајниран е мулти-функционален простор, со различни зони: спална соба, дневна соба, трпезарија и кујна која е отворена и поврзана. Тука е повторно се вратил на убавиот елемент што го означува преминот од една соба во друга. Во женскиот ентериер се искористени нијансите на жолта, црвена и сина боја, кои создаваат вистински женствен декор. Покрај тоа, употребена е ткаенина со цветни и точкести принтови, а ѕидовите се украсени со слики и цртежи. Во машката верзија на станот, пак, изборот се сведува на сивите тонови и портокаловата боја, пејзажни фотографии на ѕидовите и спортската опрема како декоративен елемент. Телевизорот има значајна улога во амбиентот, а позициониран е така што ќе може да се гледа од софата и од креветот. Кујната во женскиот стан ја сочинуваат бели ормани кои се искомбинирани со бел кујнски полуостров. Декоративните плочки внесуваат ведрина и боја, додека заоблените линии на фрижидерот и даваат шармантен ретро изглед на просторијата. Кујната во машкиот стан е уредена со мебел во две бои: портокалова и темно сива. Трпезариската маса, ѕидот во црна боја налик на училишна табла, сликите и лампите и даваат модерен призвук. Текстилот исто така прави важна разлика помеѓу машкиот и женскиот дом. Пастелните тонови и цветните мотиви заменети се со гранитни и портокалови детали. Кој стан вам повеќе ви се допаѓа?

1.Женски стан

0001

0002

0003

0004

0005

0006

0007

0008

0009

0010

0011
2.Машки стан

0012

0013

0014

0015

0016

0017

0018

0019

0020

Коментари

коментари

СПОДЕЛИ
Претходна објаваХороскопот и пријателството
Следна објаваА Вие што би промениле на Вашето тело?
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ