0

Понекогаш, таванските станови се пространи, комфорни и масивни, а неретко го завземаат и целиот кат од една станбена зграда. Но, постојат и случаи каде станот во поткровје е толку мал, што имате впечаток дека е невозможно сиот животен стил да се спакува во просторот со минијатурни димензии. Сепак, овој мал, но извонредно дизајниран дом во поткровје вешто и пркоси на скромната квадратура, функционално исползувајќи го секој центиметар од просторот. Со генијалните решенија за складирање и истакнување на деталите, може да послужи како одличен пример дека и малиот станбен простор може да биде удобен и привлечен. Располага со 42 метри квадратни, а конципиран е како двособен стан со кујна, со паметен распоред и умешно одбран декор. Палетата на бои кои е искористена се сведува на белата како основа, во тандем со црната боја, што резултира со класичен и елегантен изглед на ентериерот. Оваа комбинација на бои може да се сретне во различни облици и како нитка се провлекува низ целиот стан, облагородена со топлите дрвени допири, цветните детали и фините декорации. Така, во дневниот престој, ѕидовите се бели, додека лампите се црни и со шик дизајн, а во трпезаријата, пак, масата е бела, со црни столици поставени околу неа. Погледнете ги убавите предлози за уредување на секоја соба и инспирирајте се од креативните идеи за мал, но практичен, топол и стилски дом.

1

2

3

4

5

6

7

8

9

10

11

12

13

14

15

16

17

18

19

20

21

Коментари

коментари

СПОДЕЛИ
Претходна објаваСовети за лакот да ви трае подолго
Следна објаваФото на денот | „Потковица“
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ