Само 30 милји северно од Тахити, Француска Полинезија, сокриен е вистински рај на Земјата. Тетиароа е воодушевувачки атол кој го сочинуваат 12 мали островчиња, а светска слава стекна како приватниот остров на легендарниот глумец Марлон Брандо. Од неодамна, во раскошната убавина и егзотиката на ова чудесно место имаат ретка можност да уживаат и светските патници. ,,The Brando’’ e називиот на сместувачкиот комплекс кој нуди безброј можности за летна авантура од соништата, отворајќи им ги вратите на сите оние кои сакаат да минат ,,ден во рајот’’. Ресортот располага со 35 делукс вили, каде луксузот и еколошкиот дизајн се во совршена хармонија. Секоја вила е внимателно уредена и опремена со удобен мебел и елегантни детали, а врвната аll-inclusive услуга гарантира комотитет на престојот во текот на целиот одмор. Неодоливата понуда ја збогатуваат и прекрасните базени и приватниот пристап до песочната плажа, за максимално препуштање на задоволствата во интимниот амбиент и мирот кој го нуди ова идилично катче. Празник за сите сетила – уживајте во магичните глетки!
