Вака во неколку зборови може да се опише елегантната летна куќа на уметничката Margo Ouellette, нејзиниот сопруг Philip Evans, и нивната симпатична миленичка Chloe. Лоцирана е на островот Martha’s Vineyard, но со својот софистициран дизајн значително отскокнува од традиционалните куќи карактеристични за овој американски крај. За комплетното внатрешно и надворешно уредување се погрижила самата Margo, црпејќи инспирација од боите на океанот и сензуалноста на цветните бои. Во ентериерот доминира тиркизно сината, која заедно со белата ја сочинува основата на просторот, а дополнета со бледи и посилни тонови на зелена, розова и виолетова боја, интегрирани со многу вкус преку мебелот и деталите. Спалната, пак, е интензивна комбинација на зелена, портокалова и бела боја. Секое катче во овој пријатен дом е уредено со впечатливи декорации и цветни аранжмани, а ѕидовите украсени со уметничките дела на сопственичката, меѓу кои значајно место завзема и уникатниот портрет – посвета на љубовта кон Chloe. Целокупниот простор дише со стил и свежина, фасцинацијата од тиркизот, но и целокупната палета на бои кои се дополнуваат, вклопени во хармонична и исклучително пријатна визуелна целина. Ентериерот е умешно пресликан и во живопиписната градина со хортензии, расцветана во бои идентични на оние од внатрешноста.

0001

0002

0003

0004

0005

0006

0007

0008

0009

0010

0011

0012

0013

0014

0015

СПОДЕЛИ
Претходна објаваНескротливост преку фотографии | Марменски
Следна објаваФото на денот | Месечина
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ