Италија, со својата богата култура и традиција е вечна инспирација за секое поле на естетиката, а особено за архитектурата, дизајнот и ентериерот, каде со векови е нотиран нејзиниот придонес и влијание на трендовите. Современите италијански домови се елегантни, романтични и стилизирани, со рамнотежа помеѓу убавиот изглед од една страна, и максималниот комфор и функционалност од друга. Повеќето Италијанци имаат одличен вкус за уредување, кој соодветствува на нивната љубов кон домот и семејството. Иако во себе вклучува повеќе стилови, како главно обележје на италијанскиот ентериер може да се издвои одржувањето на совршен спој помеѓу традиционалните вредности и современиот дизајн, комбинација помеѓу рустикалното и модерното.

Постигнете го изгледот:

Италијанскиот стил е лесно применлив. Придржувајќи се до некои основни одредници за уредување на домот, можете умешно да ги внесете шармот и елеганцијата на италијанскиот ентериер и во вашиот станбен простор.

Простор: Креирајте отворени простори во кои ќе продира многу природна светлина, и ќе овозможи допир на ентериерот со она што се случува надвор. Високите плафони и големите прозорци се одличен начин вашиот дом во текот на целиот ден да биде биде осветлен и сјаен. Карактеристични за италијанскиот дизајн се и дрвените панели, со кои се постигнува природен амбиент и чувство на топлина во домот.

Мебел: При изборот на мебел секогаш раководете се од добриот квалитет. Не е потребно пренатрупување на просторот со многу парчиња италијански мебел, туку доволни се неколку квалитетни, кои се добро поставени, убаво изгледаат, и пред се вам лично ви се допаѓаат. Едноставните софи и фотелји во комбинација со неколку перничиња се совршени за таа намена. Можете да направите и спој од антиквитети и современ дизајн, комбинирајќи во ист простор стар мебел и модерни декорации. Убавината е во умереноста.

Боја: Белата боја е синоним за италијанскиот ентериер, со која се постигнува елегантен изглед и целосно доаѓаат до израз убавиот мебел и декорациите во станбениот простор. Белата боја нека биде вашиот избор за основата и бојадисувањето на ѕидовите, а за уредувањето изберете светли и неутрални природни тонови, како боја на слонова коска.

Под: За целосно рефлектирање на италијанскиот дизајн во вашиот дом, изберете тврда подна подлога од дрво, камен или плочки. За постигнување на топол ефект, декорирајте со интересен килим или стаза.

gostinnaya-v-italyanskom-stileitalian_0002_11-495x370

white-decorating-color-italian-style-borgo-egnazia-hotel-1

living-room-italian

image_7

living-room-italiana

living-room-open

subissati-modern-italian-prefab-homes-interior

italian_0004_9-495x370

Dining-Room-Design-Ideas-from-Alf-Da-Fre

italian_0003_10-495x370

Modern-Italian-Kitchen-Interior-Design-915x609

italian-kitchen-decorations

Italian-Dining-Room-LaurieFlower-005

elegant-fururistic-italian-platform-beditalian_0005_8-495x370italian_0000_13-495x370

italian_0001_12-495x370

СПОДЕЛИ
Претходна објаваСлонот претворен во преубава пеперутка
Следна објаваТарантино во Pinguin Books формат
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ