Кога станува збор за обувките, веќе неколку сезони по ред важи правилото: колку погломазни, толку подобро! Големите парчиња облека, како и таканаречените “chunky” сандали, чевли и патики се во мода последниве години. И додека овој тренд има свои обожаватели, има и многу на кои не им се допаѓа вибрацијата што ја даваат моментално популарните мокасини.
Овие удобни и елегантни чевли, кои одлично се комбинираат со фармерки, но и со здолништа и фустани, веројатно ќе бидат еден од најпопуларните трендови оваа есен, како што тоа беше случај во претходните години.
Причината поради која трендот на гломазните мокасини сè уште е доминантен е фактот што тие имаат моќ веднаш да ја подигнат секоја секојдневна комбинација, а колку строго ќе изгледа, зависи од начинот на кој ќе се состави аутфитот.
