Почетна Категории Мода 7 големи трендови кои ќе доминираат оваа година

7 големи трендови кои ќе доминираат оваа година

Со новата година доjдоа и новите модни трендови кои ќе доминираат во нашата гардероба. Подновувањето е основна потреба во периодот низ кој поминуваме и секако нема полесен начин да се постигне, од мали промени во нашиот стил. Трендовите кои не заинтересираа за 2022 година се многубројни и разновидни, подготвени да ги задоволат сите вкусови, дури и најпребирливите. Некои од нив не следат со месеци, но во новата година повторно се појавуваат обновени.Од друга страна, новата година ни носи нови трендови кои веќе можеме да ги примениме при креирањето на дневни и ноќни стајлинзи. Откријте 7 одлични трендови во галеријата кои го освоија нашиот интерес …

Сјајни модни додатоци

Дојде време да престанеме да го криеме сјајот што го имаме во нас. Како што забележавте од претходните месеци, глам елементите го заземаат првото место во категоријата на трендови. Така ќе продолжи и во новата година. Ви предлагаме да изберете сјајни комплети, од глава до пети, но целосно разбираме дека за многумина тоа може да изгледа како многу изскателен процес. Не се грижите. Доволно е само еден елемент. Без разлика дали ќе изберете гламурозна чанта или пар чевли, ќе го имате посакуваниот резултат.

Светли чанти Оптимизмот и веселото расположение се клучни фактори во обликувањето на трендовите. Познатите куќи и креативните директори не ја пропуштаат можноста да ни го докажат тоа. Светлите бои ни предизвикаа интерес од претходните сезони и како што се покажува, тие дојдоа да останат. Светлите чанти ќе ви го „украдат“ срцето оваа година. Bottega Veneta, The Row, Loewe, Prada и Jacquemus се дел од познатите брендови кои најдобро докажуваат дека чантата за да биде безвременска и со стил не мора да биде само кафена или црна.

CATSUITS

(едноделна облека што го покрива торзото и нозете, а често и рацете, обично се направени од еластичен материјал, како што се ликра, шифон, спандекс)

Ова е еден од најнеочекуваните трендови во новата година. Точно е дека CATSUITS ја покажаа својата динамика, поточно на Модните недели, каде модната публика беше маѓепсана од црно-белиот дизајн на Прада. Затоа, не го потценувајте стилот што тие можат да го дадат на секој ваш изглед. Ги видовме на модните писти на водечките светски брендови, од Сен Лоран до Барбери, а како што споменавме ова парче стана едно од омилените на љубителите на модата. Може да се носи преку ден и за вечерни излагања.

Мини здолништа

Дали барате начин да го освежите имиџот и да „играте“ со вашиот стил? Ако е така, мини здолништата ќе станат ултимативен клучен елемент во вашата колекција од кои дефинитивно нема да сакате да се разделите. Овој дизајн на здолниште ќе ја добие својата популарност во 2022 година, а начините на носење ќе бидат многубројни и различни – со џемпери и чизми за утрински прошетки, со јакна и штикли за канцелариски изглед и со глам елементи, впечатливи хулахопки и сандали на потпетици за вечерни настани.

Големи кошули

Оваа силуета е толку лесна и „безгрижна“ што никој не може да и одолее. Големите кошули ни даваат можност да создадеме тотален предимензионален изглед со избирање на долга кошула – во интензивна нијанса – и широки панталони. Доколку сакате да ја истакнете својата силуета, облечете тесни фармерки и пар високи потпетици со предимензионирана кошула.

Појаси од синџир

Доколку сте љубители на 90-тите, тогаш овој тренд ќе ви стане омилен. Им прилега на сите жени, без разлика на стилот, а секако лесно можете да го вклопите во вашиот изглед, особено во зимската сезона. Одберете да носите ремен во форма на синџир преку плетен фустан со пар чизми до колена или дури и со фармерки. Модата сака да експериментирате со вашиот стил во 2022 година и овој тренд може да биде почеток на овој процес.

Големи капути

Големите кроеви одамна освоија место во нашата гардероба. Погодни се затоа што совршено ја комбинираат удобноста со стилот. Светот на модата оваа година сака капути и јакни, па време е да додадете барем еден таков предмет во вашата колекција. Црните верзии се безбеден избор, бидејќи се пофлексибилни и попрактични. Комбинирајте ги со фармерки и патики за полежерен изглед, но и со панталони и џемпери за одење на работа.