Патики, мокасини, балетанки – еве ги рамните чевли кои одговараат на нашите омилени здолништа оваа пролет и лето …
До неодамна веројатно ќе го чекавме доаѓањето на летото за да ги носиме омилените здолништа со прекрасни сандали и тенки ременчиња, но со оглед на ситуацијата, носењето на нашите омилени здолништа со рамни чевли се чини дека е најразумен избор..
Без разлика дали се кратки, миди или макси, здолништата совршено одат со рамни чевли, а вие, само треба да си поиграте со креативноста, да експериментирате со нови комбинации за да можете да изградите свој нов изглед и стил.
Доколку ви треба инспирација, ви подготвивме 5 одлични комбинации!
Имате ли сатенско здолниште во вашата гардероба кое едвај чекавте да го покажете за некој настан? Не очајувајте, во секој случај, можете да го носите преку ден, со убав пар патики.
Комбинацијата „плисирано здолниште + папучи“ е совршена за секојдневни излегувања, додека цветните здолништа, кои навистина мора да ги имате во овој период од годината и кои никогаш не изостануваат во пролетната гардероба, не изгледаат лошо ниту со обичен пар мокасини.
Кога станува збор за мини здолништа, пробајте со еспадрили или чевли со отворена пета.
