Новиот урбан едиторијал претставува кулминација на проектот „Обединета мода“ што се одвиваше во рамки на неодамна одржаното деветнаесетто издание на Моден Викенд Скопје.

Chic Utility x Faulhaber Products

Последните три мартовски дена, Скопје беше горд домаќин на дваесет и осум интернационални дизајнери и брендови, кои премиерно ги изложија колекциите за есен-зима 19/20 пред посетителите на шоурумот „United Fashion SEE“, предизвикувајќи лавина од позитивни реакции меѓу домашната и странската публика на настанот.

Освен на промотивните штандови во зградата на Европски универзитет, парчињата на претставниците од седумнаесетте различни земји за момент „оживеаа“ и на модната писта, како дел од заедничкиот перформанс што го погледнаа присутните купувачи, медиуми и гости на Моден Викенд Скопје.

Concepto x Mateyaneira

Впечатливите европски креации најпосле се преселија и на добро познатите и знаменити локации во метрополата, како што се студентскиот дом „Гоце Делчев“, тврдината Кале, потоа Музејот на современата уметност, како и Македонската опера и балет. Идеен творец на едиторијалот е фотографката и стилистка Јована Зука.

„На изминатиот Моден викенд имавме исклучителна можност да видиме колекции од дваесет и осум навистина посебни дизајнери на United Fashion SEE шоурумот. Исклучителна беше и можноста да се фотографира и стилизира еклектичниот микс на дизајнерски парчиња и да се создаде едиториал чија цел е претставување на шоурумот. Бирајќи неколку локации кои се за мене меѓу најмаркантните и визуелно најинтересните во Скопје, сакав да ги ставам интернационалните парчиња во впечатлив локален контекст, на места кои се за мене најинспиративни во овој град.“

Concepto x Arthropoda

Монументалните архитектонски градби и околината се покажаа како совршена позадина за шареноликата естетска визија на модните марки од Белгија, Германија, Португалија, Франција, Романија, Латвија, Естонија, Грција, Турција, Бугарија, Словенија, Хрватска, Црна Гора, Босна и Херцеговина, Србија и Косово.

Главната улога пред објективот на Јована Зука им припадна на манекенките Миа Симоновска и Симона Ангеловска, чија фризура и шминка е дело на Даниел Артевски и Васе Доковски од студиото Beauty Hub 202. Официјален партнер и омилен избор за чевли на Моден Викенд Скопје останува Bellmondo Shoes.

Mateyaneira

Дел од проектот „United Fashion“ се и европските здруженија за поддршка на модната индустрија: MAD Brussels Fashion and Design Platform (Белгија), Flanders DC (Белгија), ModaLisboa (Португалија), Baltic Fashion Federation (Латвија), Maison de Mode (Франција) и Fashion Council Germany (Германија).

Marko Feher

„Обединета мода“ ја доби поддршката од програмата „Creative Europe“ на Европската унија.

Senem Unal

Diana Arno x Faulhaber Products x Bellmondo

Marko Feher x Bellmondo

Rosica Mrsik

Marija Kulusic

Arthropoda x One Wolf

Andra Handaric

Коментари

коментари

СПОДЕЛИ
Претходна објаваУбавината е во едноставноста, скандинавски архитектински стилови!
Следна објаваНА СКОПЈЕ ФИЛМ ФЕСТИВАЛ ЗАПОЧНА РЕТРОСПЕКТИВАТА НА МЕТО ЈОВАНОВСКИ
Дивиан Артс е првата и единствена веб страница во Македонија која ги пренесува сите облици на уметност во креативна форма до своите читатели. Целта на Дивиан Артс е да ги врати вистинските уметнички вредности во Македонија, да ја разбуди креативноста и да остане во чекор со последните случувања од областа на уметноста. Патем, да ги едуцира и промовира младите на културно и општествено ниво, да им помогне да се изградат како составен дел од нормалното и професионално живеење, без да заборават на својата креативност и потреба од уметност.

НЕМА КОМЕНТАРИ

ОСТАВЕТЕ ОДГОВОР