Lagerfeld е препознатлив по фасцинирачките трансформации на Grand Palais, а овојпат сите гости на модната ревија останаа без текст. Сценографијата ја красеше огромен брод “La Pausa”, со кој Karl Lagerfeld ги однесе гостите на уште едно патување низ историјата на оваа модна куќа. Ова е всушност директна референца на вилата во која Габриел Шанел ги поминувала своите лета на француската ривиера.
Наутичката тема, дизајнерот дополнително ја разигра преку опуштени спортски силуети и модни елементи од 1960-тите, со мини здолништа, беретки и Mary-Jane чевли со карактеристично ременче.