Чекорењето кон олтарот и младоженецот во прекрасна венчаница е сонот на многу девојки на оваа планета. Нас ни се допадна таа на Anastasiа Steele, во филмот 50 нијанси, а дознавме и кој ја дизајнираше.
Станува збор за познатата дизајнерка Monique Lhuillier. Нејзините креации често се гледаат на познати личности како, Reese Witherspoon, Britney Spears, Carrie Underwood, a сега и на Dakotа Johnson, односно Anastasiа Steele во филмот полн со еротика, 50 нијанси.
Universal Studios и костимографката Shay Cunliffe ја побараа Monique Lhuillier, кога почна снимањето на последното поглавје од приказната за односот меѓу срамежливата Anastasiа и милијардерот Christian Grey.
Monique предложи три можни скици за венчален фустан, а честа да ја одбере финалната верзија и се припишува на самата Dakotа Johnson.
Оваа венчаница ќе биде избор на многу невести кои наскоро планираат да се омажат, а француската модна куќа е среќна да ја даде оваа можност на сите девојки. Моделот на венчаницата е наречен Grey и наскоро ќе биде достапен во една од водечките продавници на Monique Lhuillier.
