0

Ви претставуваме мал станбен простор со површина од 27 метри квадратни, кој располага со сите предуслови за удобен живот на поединец или млада двојка. Ентериерот е стилизиран со примена на белата боја, бледо сивите и сини тонови, а вешто е искористена скромната квадратура со паметен и динамичен распоред, преку добро планирање на секое катче. Располага со пријатен дневен престој кој е сместен покрај прозорците, па природната светлина непречено циркулира. Распоредот вклучува и кујна, спална соба и бања, како и импровизирана трпезарија и мини канцеларија, но и пространа и сончева тераса. Зоната за дружење и социјализација е издвоена од спалната соба со полупреграден ѕид, со што е делумно задржана интимноста на собата за одмор и релаксација. Дизајнот е светол, воздушест, отворен и стилски, со компактно чувство кое ги обединува функционалноста и добриот вкус. Украсен е минималистички и со внимателно избрани фини детали, кои му даваат префинета нота на просторот. Едно од практичните решенија е флексибилната трпезарија со две столици, но и големиот плакар за складирање во ходникот, со што дополнително се заштедува простор. Иако внатрешноста на станот е минијатурна, сепак терасата е доволно пространа и комфорна, па надоместува со лежерната атмосфера и пријатниот амбиент кои канат на уживање надвор. Погледнете како е уреден овој инспиративен мини дом, и пронајдете ја омилената идеја и за вашиот животен простор.

1

2

3

4

5

6

7

8

9

10

11

12

13

14

15

16

17

18

19

20

СПОДЕЛИ
Претходна објаваЗа титулата Бармен на Македонија за 2015 ќе се борат над 30 учесници
Следна објаваПролетен Вино Фест во Скопје 06.05 – 10.05 мај
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ