Ѓерданите го красат вратот …
Постојат во различни форми, дебелини и ширини. Последните неколку сезони најпопуларни се во слоеви (layering) кои убаво паѓаат низ вратот и деколтето, а ова лето ќе бидат попопуларни од било кога.
Иако порано биле одраз на богатството, денес тоа повеќе не важи затоа што бижутеријата е подеднакво убава како златото или среброто. Иако можеме да носиме ѓердани преку зима, но, тие имаат посебен шарм преку летото кога нашиот тен е потемен. Исончано деколте во комбинација со ѓердани во слоеви, дава посебна модна атмосфера.
Како што сугерира нивното име, ѓерданите во слоеви се всушност низа ѓердани кои се совпаѓаат по должина од најкратки до најдолги.
За да ви биде полесно, ја разгледавме понудата по продавниците кај нас во Скопје Сити Мол, а што се однесува до ѓерданите на слоеви, ги избравме најубавите за вас.
