Бунди од вештачко крзно девојките или ги сакаат или не можат да ги замислат како дел од нивниот стајлинг.
Меѓутоа, ако ги погледнеме street style хрониките и на Инстаграм, ќе забележиме дека бундите од вештачко крзно се попопуларни од кога било досега. Ова го потврдија бројни брендови кои претставија нови модели во колекциите есен / зима, на кои е тешко да им се одолее.
Доколку ја сакате класиката, ви предлагаме да изберете бунда од бело, црно или кафено крзно, додека трендовските девојки кои сакаат да експериментираат со модата можат да изберат модели во светли бои.
Бундите од вештачко крзно можете да ги комбинирате со фармерки, спортски панталони, но и со молив здолништа и женски фустани.
