Марија Грација Киури го слави женскиот уметнички израз со многу интензивна и добра колекција инспирирана од нејзините италијански корени.
“Беше дел од неверојатната група уметници кои се обидоа да се изразат со техниката”, така Киури зборува за уметницата Соња Делоне, чија креативна кариера во 20 век еволуираше од сликарството, преку текстилот и линија на облека.
Нејзиниот мултидисциплинарен приод беше авангарда во тоа време – уметноста и занаетот коегзистираа низ дизајнот.
Меѓу впечатливите креации кои ги направи Делоне во текот на животот, беше и фустанот кој го креираше за Кристијан Диор, кој на времето го носела пејачката Франсоа Харди, во време кога Марк Бохан ја предводел куќата Диор.
Новата колекција на Кристијан Диор за есен 2019 година, потпишана од Киури, се карактеризира со релаксирани, но сепак многу сложени детали.
Колекцијата има силни вибрации од 70-тите години на минатиот век, особено кога станува збор за фустаните од тантела, блузи со фолклорни мотиви и ребрести ролки.
