Дури и да не сте типична девојка која го негува елегантниот женствен стил, факт е, има некое силно задоволство кога го носите вашиот совршен фустан, во кој се чувствувате – како милион долари. Но со толку многу стилови и типови на фустани на пазарот, прилично е тешко да се одлучите – како да почнете да го градите својот стил и колекција на фустани?
Кога зборуваме за фустаните, малиот црн фустан е вашата најдобра пријателка – кога ќе го најдете оној вистинскиот, кој совршено ви прилега, секогаш ќе го носите со себе, каде и да патувате.
Долгите фустани кои ги има на пазарот, по правило, не се изработени од квалитетен материјал заради заштеда. Но, доколку инвестирате во квалитетен макси фустан, ќе направите добра работа, долго ќе трае и секогаш ќе го облечете кога ќе мислите дека немате што да облечете.
Постои причина зошто таканаречениот невидлив фустан на Carrie Bradshaw бил таков хит – секси тесен фустан е незаборавен изглед!
Секоја жена во својата гардероба мора да има еден статусен фустан со кој остава посебен впечаток. Тоа може да биде фустан со интересен материјал, крој или едноставно со некоја силна боја – во секој случај фустанот мора да привлече внимание.
За свечени прилики или кога ќе добиете покана за некој коктел, ќе ни бидете благодарни што инсистираме да имате ваков фустан во плакарот! Тоа може да биде едноставен коктел фустан од луксузен материјал или права тоалета, но сепак добро е да имате барем еден факов фустан во вашата колекција!
