На Haute couture модните ревии во Париз, секој ден се прикажуваа нови изненадувања, така да навистина уживавме во овие гламурозни ревии.
За Нaute couture колекцијата пролет/лето 2016., дизајнерот Giorgio Armani ја користел отмената лила боја, со која ги претстави извонредните модели. Ревијата ја отвори со селекција на кроени јакни и пантолони со романтични волани, а за секојдневниот стил на Armani – жената, стилот е лежерен. За вечерните часови, слободно можеме да претпоставиме дека, оваа колекција ќе биде фаворит на доделувањето на Оскарите. Тоалетите се генерално со голи рамења, украсени со апликации и добро кроен горен дел. Било која глумица, облечена во модел од оваа колекција, лесно може да се најде на листата, најдобро облечени дами на доделувањето на Оскар!
