Giorgio Armani и германскиот фотограф Peter Lindbergh, повторно соработуваат на новата “New Normal” кампања за пролет/лето 2016.
Наместо изгледите од неговата пролетна ревија, Armani ги нагласува класичните изгледи, создадени за секојдневниот живот. Фотографиите се снимени во Париз, а на црно белите фотографии се најдоа четрите икони – модели од 90-те, Nadјa Auermann, Yasmin Le Bon, Stella Tennant и Eva Herzigova. Сите изгледаат совршено природно, во релаксирана облека, лежерни мајци и пантолони.
За кампањата Armani кажа – “За оваа кампања барав 4 жени – икони, со силни карактеристики, кои би покажале дека женската убавина е безвременска. Го одбрав Peter Lindbergh со кој соработував неколку пати, затоа што неговите фотографии се вечни и реални. Сакав да го покажам значењето на реалноста, облеката која нуди елеганција и нормалитет во секојдневниот живот”.
