Неколку причини зошто е добро да се плива во море …
Не познаваме личност која не се радува најмногу да оди на одмор во моментов. Веројатно првата причина за таа радост е морето. Уживаме во пливање на море и нема поубаво чувство од првото сезонско капење во морето.
Пливањето во море е добро и за вашето тело и здравје. Постојат неколку главни ефекти кои морето ги има врз вашето здравје, а во продолжение ви ги откриваме.
Како прво, морето има многу придобивки за вашата кожа. Луѓето кои имаат дерматолошки проблеми можат да го сметаат морето како терапија. Морето може да помогне да се намали црвенилото и да се намали дехидрацијата на кожата. Причината за тоа е магнезиумот кој се наоѓа во морската вода.
Заради морето ќе ви се подобри циркулацијата. Пливањето исклучително многу придонесува за работата на циркулаторниот систем. Покрај тоа, морето е одлично и за вашиот имунитет. Морската вода е полна со витамини, соли, аминокиселини и микроорганизми кои делуваат како природни антибиотици, а сето тоа ќе придонесе во борбата против бактериите насобрани во вашето тело.
Покрај тоа, морето може да ви помогне во лекувањето на астма, артритис, бронхитис и воспаленија, како и разни кожни болести како дерматитис, себореја, псоријаза..
