Пламенка Трајковска – гудачки квартет ќе реализира концерти за деца со наслов Магичен квартет на втори и четврти декември во општините Ѓорче Петров и Бутел.
Концертот на втори декември ќе се реализира во училиштето Ѓорче Петров во 9 часот. Истиот ќе се пренесува во живо онлајн на фејсбук страната на Класика за деца. Концертот во општина Бутел ќе се реализира на отворено на четврти декември во 11 часот.
Програмата на концертите се состои од познати дела од класичниот репертоар и имаат за цел да ја доближат класичната музика пред детската публика. Концертите се интерактивни со анимациски елементи и се мултимедијални.
Во гудачкиот квартет покрај Пламенка Трајковска ќе настапат Наташа Диденко на виолина, Љубица Бошкоска на виола и Александра Јаневска на виолончело.
Концертите се поддржани од Град Скопје во рамките на програмата ,,Од центарот кон периферијата: Културата како алатка за социјален развој,, како и од општините Ѓорче Петров и Бутел.
Концертите ќе се реализираат во согласност со протоколите за реализирање концерти во пандемија.
Пламенка Трајковска
>>Фејсбук настанот ќе може да го погледнете на линкот<<
☟☟☟☟
