Освен изведбата на песната “Shallow” за која доби Оскар за најдобра оригинална песна, Лејди Гага јавноста ја освои со ретро модно издание кое го пофалија модните критичари од целиот свет.
Лејди Гага беше облечена во едноставен црн фустан од дизајнерот Alexander McQueen, со нагласени колкови, а го комплетираше со црни свилени ракаваци и дијамантска ланче од брендот Tiffany & Co.
Ланчето со огромен жолт дијамант од 128 карати е старо 140 години, а последен пат го носеше Одри Хепберн во 1961 година. Дијамантот беше пронајден во Јужна Африка, а вредноста му се проценува на 30 милиони долари.
По примерот на ѕвездите од стариот Холивуд, косата ја крена во висока пунџа.
