Со години, Ikea е во првите редови на светскиот пазар кога станува збор за достапен мебел, садови и декорација за домот. Сепак, во изминатите години, конкуренцијата силно тргна во акција. Големите брендови кои досега се занимаваа исклучиво со мода и модни додатоци го проширија својот бизнис кон секторот – дом.
Со достапни цени и пред сè, луксузен изглед на понудените предмети, H & M веднаш не освои. Zarа Home ни е веќе добро познат, но H & M Home, се уште не е добро познат за нас. Можеби поради фактот дека од овој бренд немаме продавница (за сега), а и немаме навика да купуваме преку Интернет. Меѓутоа понекоаш треба и да си дозволиме, бидејќи H & M Home колекциите се идеални за оние кои ја сакаат едноставноста со доза на луксуз и со поволна цена.
