Во малото гратче Олала во Вашингтон, на улицата 3395 Hidden Valley Way се наоѓа една мошне оригинална и чудесна куќичка која локалните жители ја нарекле „Куќичката на Снежана“ од цртаниот филм „Снежана и седумте џуџиња“. Всушност, целата уличка е со куќи како од некоја приказна на Dr. Seuss. Ако некогаш сте посакале да живеете во бајковита куќичка, можете да си ја купите оваа куќичка којашто од неодамна е ставена на продажба.
Уште на прв поглед се гледа дека уникатната куќа е правена со многу љубов и посветеност. Изградена е во доцните 70-ти години и има интересен облик и уште поинтересен и оригинален покрив и опкружена е со бујно зеленило. Целото земјиште е со површина од околу 30 000 метри квадратни, па би била убава локација за некое престојувалиште или хотел каков што нема на ниту едно друго место во светот.
