Помислете на златното доба на Холивуд, на винтиџ гламурот од црно-белите филмски класици. Замислете место каде првокласната услуга и сместувањето го воспеваат безвременскиот стил и шармот на Грејс Кели и Кери Грант. Место, каде хедонизмот и задоволствата се на прво место. Ви го претставуваме Chalet des Sens, луксузното ски одмаралиште во Франција, чии капацитети соодветствуваат на хотел со 5 ѕвездички. Сместена во скијачкиот центар Межев, оваа современа зимска палата е вистински празник за сетилата, како што наговестува и самиот назив на ресортот. Погледнете ги фотографиите и сиот раскош со кој е опсипано ова одмаралиште, во ентериерот, но и во надворешноста.
