Широки и долги панталони кои се заоструваат кон глуждот, со ниска половина – тоа е дефиницијата на харем-панталоните, летната верзија на панталони која е широко прифатена од жените ширум светот. Ова парче облека влече корени од Арапскиот полуостров, што всушност е комбинација на долга сукња и широки панталони кои се лабави и еластични во половината и глуждовите. Половината е по правило ниска, затоа што истите се користеле за belly dancing.
Модерната верзија на овие панталони се појавува во 80тите години на минатиот век, каде што доживуваат неколку промени првично според материјалот од кои се изработени, а подоцна и речиси целосно менување на моделот за да одговори на потребите на секојдневните обврски што една жена ги има на работното место, при излегување или дома. Потесен крој со висока половина, од лелеава ткаенина е апсолутен моден хит. Така што, како и секое лето, и овој период е дозволено да експериментирате со комбинациите каде што главен акцент ќе бидат Вашите харем-панталони.
