Женствената нота и убавите пастелни тонови се спојот кој воодушевува во ентериерот на овој мал, но пресладок стан во сопственост на млада дизајнерка. Автентично е уреден од неговата креативна станарка, со многу вкус и стил, и иако е со скромна површина од само 34 метри квадратни, комплетно е функционален, пријатен и комфорен за живеење. Во малата квадратура умешно се распоредени дневен престој со трпезарија, кујна, спална соба, како и ходник и бања. Малата бела кујна располага со отворени полици, вградени елементи и работни површини во боја на дрво, кои совршено се надополнуваат. Дневната соба и трпезаријата комуницираат во отворениот простор за дневен престој, во кој удобно е сместена белата маса со столчиња. На ѕидот се прикачени неколку мали отворени полици, кои освен практичната намена, пребоени се во нежни пастелни нијанси, па служат и како декоративни елементи. Вниманието, сепак, најмногу го привлекува подната лампа со голем стаклен абажур во облик на цвет. Вистинско мало женско царство, зар не? Пронајдете ја вашата омилена инспирација!
