Пролетта е совршено време за внесување новини во домот, почнувајќи од сезонската обнова на ентериерот, па се’ до преуредувањето на катчињата за уживање надвор. За лежерен и релаксиран изглед на вашиот животен простор, обвиткајте го со спектарот на сини тонови, идеални за внесување свежина, светлина и хармонија во домот. Од блескави аква нијанси, до поинтензивни варијации на сина – оваа палета е одличен избор за стилизирање на секоја соба, а на вас е да одлучите дали целиот простор ќе ,,облечете’’ во сино руво, или, пак, само суптилно ќе го разиграте преку деталите. За сензуална колоритност во домот, играјте си и со корално црвената и жолтата, смирувајќи ги со нежната бела боја и неутралните сиви, беж и крем тонови. Прекрасна инспирација донесува најновиот каталог на West Elm, со многу интересни идеи и убави предлози за пролетно освежување на домот. Пронајдете ја вашата омилена тема!
