Од сите инспиративни примери за убаво уредени станови со мала површина, во овој веројатно најмногу доаѓаат до израз суптилните женски допири и нежната нота во дизајнот. Иако располага со само 34 метри квадратни, ентериерот на овој мини стан е комплетно функционален и удобен, но и мошне привлечен, сосема доволен да ги задоволи потребите за самостоен живот на една дама со стил. Гарсониерата е лоцирана во Москва, а најзаслужна за нејзиниот шармантен изглед е Елена Притула, креаторката на комплетниот проект. Целиот ентериер е стилизиран со деликатен спој на бела боја и нијанси на крем, што му дава фин хармоничен, чист и светол тон на просторот. Визуелно го зголемува станот, во комбинација со природната светлина од прозорците и паметно поставените огледала, а истовремено внесува релаксиран амбиент и лежерност во секое катче од дом-студиото. Распоредот се заснива на отворен план во кој се поврзани дневната соба, спалната и кујната, што не е нетипично за мали станови, но во нејзиниот дизајн може да се забележи особена умешност со која е постигната компактност помеѓу просториите. Изборот на едноставна шема на бои и минималистички декор придонесува во таа насока, а со внимателниот избор на различни текстили, текстури и детали во крем, златна и сребрена нијанса, вешто е избегната монотонијата која може да се почувствува во толку еднолично опкружување. Детал кој се издвојува е преградата која е поставена наместо класичен ѕид помеѓу ходникот и спалната соба, а идејата за ваквото решение дизајнерката ја пронашла од слична мароканска испирација. Добро средена, и комплетно модерно оспособена, оваа слатка гарсониера може да се пофали и со паметни идеи за складирање и организација во малку квадрати. Инспирирајте се!

01

02

03

04

05

06

07

08

09

10

СПОДЕЛИ
Претходна објаваПејсажи вредни за фотографирање
Следна објаваВесел едиторијал во Дизниленд
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ

ОСТАВЕТЕ ОДГОВОР