Да заспиваат гледајќи ги ѕвездите, а да се будат гледајќи го снегот: тоа бил сонот на сопствениците на оваа неодоливо убава викендичка на планина. Велат кога нешто многу посакувате, тоа мора и да се оствари, па така нивното мало, но мошне удобно планинско прибежиште комплетно им ги исполнува сите желби. Има многу прозорци, дури и на таванот, кои им овозможуваат со часови да седат на омилената софа во дневната соба, воодушевувајќи им се на прекрасните глетки. Ентериерот на куќичката е во хармоничен тон, уреден со пријатни и топли нијанси на бои, дрвени допири, рустични детали и многу сончева светлина, што и дава максимално пријатен амбиент и опуштена атмосфера. Иако со мала површина, комплетно е функционална и практично испланирана, со привлечен дизајн кој ги поврзува дневната соба, кујната и трпезаријата во една отворена целина на долниот кат. Топлината од каминот и меките волнени прекривки во секое катче, гостопримиливо канат на лежерно бегство и уживање во убавините на природата. Совршена викенд инспирација!
