Амберно сонце | Фросина Анѓелкоска

7d19e485163e26b32bcc28801dbfb980

Ослепен од магливиот мрак на сопствениот ум, човек не знае да види амберно сонце. Можеби е суптилен премин од разум кон неизмерно малигно битисување, или е, со зборовите на поетот – инспирација.

Она што е нијанса надеж за проникливите е безначајна зимска појава за обичните; незабележлива.

Под тоа амберно сонце еднаш си живееше една мала дама со жолта шапка. Ѝ фрлаше сенка, ама знаеше дека не беше од шапката.

Многу зими се вгнездија, но една пуста зимска ноќ малата дама се запраша: „Зошто сум толку не-иста?“. Чукна часот на скудноста; час на самотија; време на бесконечност, а чувственоста бдее – доаѓаат посити времиња.

Не стигнаа.

Еднаш на 25 години, во синилото на глувото доба изгрева амберно сонце со зраци од надеж за други земји.

Малата дама со жолтата шапка застана да погледне во сонцето, ама куветот негов не ги заслепи зелените очиња што со неземска леснотија продреа низ него. Скаменети корени, па скаменети огништа. Чекори по калдрми кои не беа нејзини. Задишувања од воздух кој ѝ го споболе духот. Самотијата ѝ стана сопатник, а кога тој остаре, г-ѓица Параноја си го присвои столот за нишање. Мудрувајќи, се нишаше пресилно и го скрши.

Амберното сонце светеше, а животот минуваше. Сенките не ја напуштија малата дама. Сфати што ги фрлаше на неа дури по четврт век битисување.

Фросина Анѓелкоска

Коментари

коментари

СПОДЕЛИ
Претходна објаваЗамрзнати меурчиња | Angela Kelly
Следна објаваЧудесна дизајнерска колиба
Пилотот кој раководи со летот кој ја открива креативната страна на животот е вечен поддржувач на широката палета уметности, со хиперактивен печат. Без ефект на изненадување поради уметничкиот допир од мали нозе и израснувањето во семејна атмосфера на вистински уметници прават од него модерен боем, шармантен екцентрик, вистински гурман, патувач и трагач по креативитет низ секој агол на планетата. Затекнат во маркетингот и односите со јавност, не успева да се оддели од креативниот максимум во секоја сфера на живеењето.

НЕМА КОМЕНТАРИ

ОСТАВЕТЕ ОДГОВОР