За розовата велат дека не е само боја, туку и став кон животот. Иако не е традиционален избор на боја за новогодишен и божиќен декор, сепак во комбинација со вистинските детали може да му даде навистина убав и впечатлив празничен изглед на домот. Розовата боја во ентериерот е синоним за стил и индивидуалност во уредувањето, но и многу позитивна енергија во просторот. За таа цел, ви претставуваме совршена празнична инспирација во бојата на розата, вкусно искомбинирана во тандем со белата и златната нијанса. Дело е на авторката на францускиот блог Cococerise, која нуди малку поинаква празнична тема во тонови кои идеално прилегаат и се надополнуваат. Се’ e со блескав розов сјај во дневната соба и трпезаријата, почнувајќи од елката, каминот, па се’ до празничната трпеза. Свечен и гламурозен, а истовремено романтичен и женствен стил на украсување, со многу кокетни детали, слатки декорации, елегантни украси и нежни празнични мотиви. Уживајте во розовата новогодишна магија!