За сите оние кои трагаат по оригинална идеја за новогодишно декорирање на домот, ви претставуваме една поинаква, сино – бела инспирација со празнични мотиви. Белата боја хармонично ја пресликува снежната идила во амбиентот, во комбинација со сензуалните сини тонови на небото и морето. Беспрекорен спој за светол, романтичен и нежен изглед на ентериерот, со суптилен блесок и сјај. За разлика од традиционалната комбинација на црвена и зелена боја, овој тандем на бои е исклучително модерен, му дава префинета нота на домот, и внесува многу стил и елеганција во просторот. Инспирацијата ја пронајдовме во празничната понуда на Wisteria, со грст убави идеи за новогодишно и божиќно украсување на катчињата во домот, на каминот, елката и трпезата. Изберете ја вашата омилена комбинација и дајте му уникатен изглед на вашиот дом во пресрет на убавите празнични денови.
