9056d86538fe62dc7cebb82f3587d889

Сувост.
Во воздухот.
Во гранките.
Во боите.
Во утрата.
Во ветрот.
Сува сувост.
Во влажната пареа од црното небитие што ми ги стоплува гласните жици на изгрејсонце.
Во излитени метафори стокмени од уште поизлитени автори.
Во летото кое не сака да замине, запретано во есенски лисја, небаре оваа самотнина му е единствена. Оди си.
Сувост во сеништата наречени човек.
Сувост во сувоста на суви усти, собрани од скапан студ.
Есента фрла по некој лист.
Уште е сува, а веќе е Ноември.
Жолти тикви, пожолтени лисја, овенати битија.
Есента е жива со човековата душа.
Ако си есен, ќе ја сакаш зашто ја буди уметноста.
Ако не, ќе ја презираш, зашто носи студови, сувости, хмурности и безличност.
Сувост.
До првиот снег.

Фросина Анѓелкоска

Коментари

коментари

СПОДЕЛИ
Претходна објаваНаправи сам | Дедо Мраз пакетче
Следна објаваСтатуи на познатите низ светот
Дивиан Артс е првата и единствена веб страница во Македонија која ги пренесува сите облици на уметност во креативна форма до своите читатели. Целта на Дивиан Артс е да ги врати вистинските уметнички вредности во Македонија, да ја разбуди креативноста и да остане во чекор со последните случувања од областа на уметноста. Патем, да ги едуцира и промовира младите на културно и општествено ниво, да им помогне да се изградат како составен дел од нормалното и професионално живеење, без да заборават на својата креативност и потреба од уметност.

НЕМА КОМЕНТАРИ

ОСТАВЕТЕ ОДГОВОР