Убавите нешта доаѓаат во мали пакувања, па така и оваа симпатична и паметно осмислена куќичка спакувана е во само 50 метри квадратни. Дизајнерката Jessica Helgerson и нејзиното семејство во минијатурната куќичка пронашле идилична семејна оаза, за уживање во слободните мигови во природа. Изградена е од обновливи материјали, а сместена на фарма во близина на Портланд, во американската држава Орегон. Има фасцинатна и долга историја на пренамена на просторот, а последно е преуредена и редизајнирана од сопственичката, задржувајќи ги основните белези и структура. Кровот денес го краси зеленило, додека во ентериерот се истакнуваат печката на дрва и архаичната класична када. Иако по својот облик и функција неодоливо потсетува на дрвена колиба, ентериерот е уреден со модерен мебел. И покрај малата квадратура, во внатрешноста сместена е голема просторија која опфаќа кујна, трпезарија, дневна соба и мини библиотека. Спалната соба на дизајнерката и нејзиниот сопруг се наоѓа во импровизираното поткровје над библиотеката, додека во детската соба доминира креветот на два спрата. Комфор и задоволство во минијатурно издание!

01

02

03

04

05

06

07

08

10

11

09

СПОДЕЛИ
Претходна објаваНаправи сам | Расположение од цимет
Следна објаваНаграден конкурс за најкреативно уметничко дело
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ

ОСТАВЕТЕ ОДГОВОР