Многу розови допири насекаде низ станот, во комбинација со елегантната игра на црната и белата боја, се стилските финеси кои му даваат шик димензија на овој убав и пријатен дуплекс. Вистинска сензација во 90 метри квадратни, распоредени на две нивоа, а со одличен редизајн за кој најзаслужен е архитектот Charlie Díaz, давајќи му сосема нов изглед, со поинаков распоред и комплетно различна естетика на просторот. Од првобитното издание, отстранети се преградните ѕидови, со што е креиран амбиент на отворен простор, а поставувањето на нови поголеми прозорци овозможува непрекинат продор на многу природна светлина во секое катче. Доминантните бели ѕидови совршено се вклопени со подот од дабово дрво, давајќи му топла и релаксирана атмосфера на домот. Дневната соба, кујната, трпезаријата и бањата се сместени на долното ниво, додека горното ниво располага со нежна спална соба со бања, која води кон прекрасната тераса на кровот. За поавтентичен и кокетен изглед на просторот, избран е декор со марокански шарм, кој внесува игривост и суптилна ориентална нота во елегантното опкружување.
