01

Сместен е на една од најубавите локации во центарот на Париз, со стара автентична градба од 17-тиот век во која сеуште носталгично се негува боемскиот дух на француската метропола. Хотелот Verneuil е место кое кани на уникатно и магично доживање во тивкиот, но многу познат париски кварт, со мистериозен шарм кој не ги оставил рамнодушни, ниту престанал да ги изненадува и инспирира бројни автори, уметници и дизајнери. Опкружен е со многу антикварници, уметнички галерии, бутици, кафулиња, ресторани и историски споменици, во непосредна близина на Лувр, музејот Орсе и Кафе де Флор, и само на 20 минути пеш од Богородичната црква во Париз. Но, и самиот хотел сам по себе е посебно искуство, во кое хармонично се вклопени сите впечатливи детали од мозаикот наречен ,,град на светлината”. Мал бутик-хотел со 4 ѕвездички, комплетно реновиран, со современ дизајн кој ги задржува автентичниот изглед и пријатниот амбиент на престојот во Париз. Располага со 26 шик стилизирани соби, прекрасна библиотека, префинети парчиња мебел и уникатен уметнички декор. А, кога на тоа ќе се додадат фасцинантните глетки кои крадат воздишки, станува јасно дека секој миг поминат овде е празник за душата, во срцето на еден од најромантичните градови во светот.

02

03

04

05

06

07

08

09

10

11

12

13

14

15

16

17

СПОДЕЛИ
Претходна објаваIsabel Marant за H&M
Следна објаваСтари фотографии од Париз | Paul Almasy
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ

ОСТАВЕТЕ ОДГОВОР