Мојот живот трае од 10 до 15 години. Секое разделување со тебе за мене значи патење. Размисли за тоа пред да ме земеш.
Сакај ме онакво какво што сум, затоа што ти мене ме одбираше. Јас ја немам таа можност да бирам пријател и господар.
Дај ми време да сфатам што сакаш од мене. Пред да ме издржиш за време на дресурата, преиспитај се самиот себе, можеби ти грешиш или јас неможам да сфатам што точно сакаш.
Имај љубов за мене, затоа што јас живеам од тоа.
Немој да се лутиш на мене и немој да ме казнуваш. Ти имаш своја работа, свои пријатели, своја забава, а јас те имам само тебе.
Зборувај со мене! Иако тебе ти се чини дека не разбирам, јас сепак знам што мислиш и чувствуваш.
Знај дека јас не заборавам како се постапува со мене.
Прво помисли пред да сакаш да ме удриш, дека јас со леснотија можам да те гризнам, но тоа не го правам никогаш!
Не ме земај како играчка додека сум мал и сладок, за покасно да ме отфрлиш, затоа што мојата љубов кон тебе е вечна.
Грижи се за мене кога ќе остарам, останам без заби, ослепам, оглувам и престанам да се движам. И за тебе некој ќе се грижи – староста е иста за сите.
Прати ме на мојот последен пат. Немој никогаш да кажеш: „Јас тоа не можам да го гледам“ или „Нека се случи во мое отсуство“. Со тебе покрај мене, се ми е полесно. Нека тоа ти биде долг за мојата верност и нашата убава младост.
Кога веќе ќе ме нема, немој да тагуваш, усреќи некое ново кученце и сакај го исто како што мене ме сакаше!
Извор | www.kupimilenik.mk
