Извонредно добро испланиран и уреден, со елегантен дизајн и фасцинантна тераса од која застанува здивот – овој стан со површина од 87 м2 е вистински празник за очите. Станува збор за пентхаус лоциран на поткровјето од зграда во шведскиот град Малме, кој со својот урбан изглед и паметни решенија во ентериерот е инспирација, и катче кое секој би го посакал за себе. Прекрасна пространа тераса е сместена на кровот, со панорамска глетка од срцето на градот, опколувајќи половина од пентхаусот, и со директен пристап од дневната и главната спална соба. Со одлично уредениот екстериер кокетно докажува дека кога на надворешноста ќе и се посвети доволно внимание, чудесни нешта можат да се создадат – да се дополни, или, дури и надмине она со што фасцинира ентериерот. На терасата се поставени идилични катчиња за седење и џакузи за капење под отворено небо, во пријатен и по малку магичен амбиент. Но, и внатрешноста не е помалку впечатлива: просторот е функционално адаптиран и оспособен, со игра на белата и црната боја, надополнета со колоритни акценти во интензивни бои, кои му даваат разираност и визуелно го зголемуваат просторот. Располага со суптилна дневна соба уредена со луксузен мебел и декор, светла и артистичка трпезарија и кујна во црно-портокалова комбинација, сите обединети во еден отворен комфорен простор. Деталите ги сочинуваат мноштво дрвени допири, уметнички декор, поп-арт принт, и цветни украси кои внесуваат топла нота и пријатна атмосфера во просторот. Спалните, пак, се бели и минималистички, но многу симпатично реализирани, со акцент ставен на светлината и лежерноста, љубовта кон книгите и шарените дезени, а воодушевува и засебниот простран плакар во кој може да се чекори…Љубов на прв поглед!

25

21

20

24

22.

23

1

2

3

4

5

6

7

8

9

10

11

12

13

14

15

16

17

18

19    26

СПОДЕЛИ
Претходна објаваФотографии стари 125 години | Kodak No.1
Следна објаваШармантни шик столици | Irina Neacsu
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ

ОСТАВЕТЕ ОДГОВОР