1

Овој колоритен стан со светли акценти можеби не се вклопува во сечија визија за идеално уредување на ентериерот, но едно е сигурно: ќе ги воодушеви сите вљубеници во поп-арт уметничкото движење. Сместен е во гламурозниот Санкт Петербург во Русија, со површина од 100 метри квадратни, и е во сопственост на млада креативна двојка, и двајцата дел од модната индустрија. За неговиот комплетен дизајн се погрижил креативниот тим на Pavel Polinov Studio, следејќи ги нивните желби и замисли за оригинален, но функционален стан, а со инспирирација за уредувањето позајмена од уметноста на Енди Ворхол и Рој Лихтенштајн. Фасцинацијата од поп-арт темата е воочлива во секој простор од станот, со изборот на интензивни бои кои се како ,,излезени’’ од некое дело на Ворхол, и декоративни допири сочинети од мноштво украси и принтови со поп-арт мотиви. Почнувајќи од колоритните акценти на мебелот во јаки тонови, па сè до начинот на кој се разигрува просторот преку играта со бои на декорот и ѕидните апликации, сè е вклопено во уникатна модерна интерпретација на поп-арт ентериер. Со богатиот, но внимателно избран декор во ентериерот, тешко е да се одреди центарот, бидејќи сите соби наликуваат на апартмани сами по себе, надополнети со елегантни и луксузни допири и орнаменти кои му даваат софистицирана нота на станот. Применет е микс на повеќе различни стилови, за кои на прв поглед може да се помисли дека се некомпактни, но во конкретниот случај заедно формираат одлична целина, со неверојатно модерен, урбан и гламурозен изглед.

2

3

4

5

6

7

8

9

10

11

12

13

14

15

16

17

18

19

20

21

22

СПОДЕЛИ
Претходна објаваСовети за животот | Бил Гејтс / Чарлс Сајкс
Следна објаваPULL&BEAR | есен/зима ’13/’14
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ

ОСТАВЕТЕ ОДГОВОР