Имате многу обични маички, слободно време и голема креативост? Тогаш денешниот проект е за Вас. Време е да го искористите Вашето слободно време, правилно да ја насочите Вашата креативност и од Вашата обична маичка да создадете прекрасна маичка со машнички во позадина.
Потребно:
- стара маичка;
- друг материјал што одговара со бојата на маичката;
- ножици;
- игла и конец;
- машина за шиење.
Најпрвин го отсекувате задниот дел на маичката. Во согласност со отсечениот дел, сечете од другиот материјал едно подолго и едно кратко парче, за да ги направите машничките (правите онолку колку што Ви се потребни). Потоа со игла и конец ги оформувате машничките. За крај со машината за шиење ја порабувате маичката и ги прикачувате машничките на соодветните места. И готово, можете да ја облечете Вашата нова штосна маичка.