Носењето брада или мустаќи е личен печат на одредена индивидуа, начин да се изрази својот стил или според одредени дефиниции во општеството тоа е знак за маженственост. Во обид да ги истражува општо прифатените социјални стереотипи, фотографот Jaseph D.R. OLeary започнува проект за документирање на луѓето со бради преку неговите фотографии.
За една година, во неговото студио тој фотографирал 130 мажи. При тоа, тој од своите модели барал да се облечат во облеката во која се облечени најчесто и да донесат реквизит кој ги опишува професионално, лично или духовно. Целта му била да создаде фотографии кои зборуваат и за животот, а не само за изгледот на личноста која застанала пред неговиот фотоапарат. Конечните резултати се интересна социјална студија со широк спектар на ликови со бради. Ние Ви претставуваме само дел од нив.