Елегантен стан во пастелни нијанси

Изборот на пастелна шема на тонови, не само што внесува смирена нота и хармоничен амбиент во домот, туку со нивна правилна комбинација преку мебелот и деталите, може да се постигне неверојатно елегантен и префинет ефект во ентериерот. Одличен пример за тоа е прекрасниот мадридски апартман, кој со суптилноста на кремастите и бледо сините тонови е несекојдневно убав животен простор, со примамлива грациозност, нежност и елеганција во секое катче. Применет е декоративниот трик кој често го употребуваат дизајнерите – избор на две основни бои, во овој случај крем и сина, а потоа преку игра со нивните различни нијанси и употреба на разновидни материјали, како комбинација се внесуваат во секоја соба, креирајќи на тој начин флуидност во целиот простор. Елегантниот мебел со сини акценти, дрвените допири и деталите кај кои доминираат тиркизно сината и ментол зелената боја, му даваат на ентериерот доволно разиграност за да се избегне монотонијата, а сепак умешно да се задржи сензуалноста и свежината на неутралните бои. Мноштвото оригинални уметнички дела, цветните аранжмани и луксузните драперии се дел од декорот кој му дава душа на просторот, совршено надополнувајќи ја, со многу вкус и стил, пространата естетска целина. Во домот е нагласена и љубовта кон книгите, со катче за читање крај прозорецот, неодолива библиотека и фасцинација од четивата која се чувствува насекаде во станот. Низ големите прозорци продира природна светлина, давајќи му светол израз на изгледот на секој простор, и нагласувајќи го и онака магичниот ефект на романтичните амбиентални украси.

001

002

003

004

005

006

007

008

009

010

011

012

Коментари

коментари

СПОДЕЛИ
Претходна објаваГенијални трикови за убаво нашмикани усни
Следна објаваНа крајот на виножитото – Сесилија Ахерн
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ