Природата е исполнета со неверојатни ‘чуда’ и истата не престанува да не’ изненадува и воодушевува со својата исклучителна убавина. Некои такви чуда на природата се дрвјата со необичните форми и големини, кои се единствени во светот и карактеристични за одредени поднебја. Во листата што следува Ви ги презентираме најчудните дрвја во светот, кои дефинитивно треба да ги посетите ако сакате необични и егзотични дестинации.

Змејовото дрво

Ова таканаречено змејово дрво се наоѓа на островот Тенефире, дел од Канарските острови и истото е со висина од 22 метри, а старо околу 250 години. Овој вид на дрвја потекнуваат и се карактеристични за Канарските острови. Постојат информации кои велат дека низ историјата, античките племиња ги обожувале и им се молеле на тогашните дрвја од овој вид.

0

1

Дрвото Капела

Овој околу 1000-годишен даб се наоѓа во малото село Allouville-Bellefosse во Франција истото ја преживеало Француската револуција и сите промени што се случувале на ова тло. Откако во 16от век дрвото им дало закрила од невреме на татко и син, како благодарност тие ги изградиле во него двете капели. И до ден денес, дрвото претставува симбол за вербата и желбата за истрајност на луѓето. Овој даб е најстарото дрво во Франција и се верува дека е едно од најстарите во светот.

2

 Баобаб дрвја

Овие интересни баобаб дрвја потекнуваат од Намибија, каде се наоѓаат повеќе примероци од нив. Нивната необична форма, старите племиња во Намибија си ја објасниле како дар од боговите – бидејќи биле преголеми, биле спуштени од небото наопаку, со корените нагоре. Висината е од 12 до 22 метри, а најстарото од сите овие ‘превртени дрвја ‘има 800 години.

3

Дрво на животот

Ова Дрво на животот е старо 400 години и е едно од дрвјата чии корени постигнуваат навистина голема длабочина во земјата. Истото е високо 10-ина метри и е позната турстичка атракција во Бахрејн, Персиски голф. Ова е најиздржливото дрво во светот, кое 400 години опстојува на место во чија близина нема вода. Уште една карактеристика на дрвото на животот е тоа што секој дел од него е неверојатно корисен – листовите се лековите и имаат долга историја на медицинска употреба, а зрнестите плодови низ годините служеле како извор на живот и исхранувале голем број на племиња кои живееле во околината. Можеме да кажеме дека сосема заслужено се нарекува дрвото на животот, зарем не?

4

Бомбакс

Ова дрво се наоѓа во познатиот храм во Камбоџа, Ta Prohm и истото го карактеризираат издржливост и нетипично долги корени. Висината на овој тип на таканаречено свилено памучно дрво, достигнува од 30 до 50 метри. Ова свето место на дрвото и храмот е прогласено за локација од светско наследство и заштитено од Унеско.

5

El Árbol del Tule

Ова мексичко дрво е единствено во светот и го карактеризира големата ширина на стеблото и големи чворови на истото. Се наоѓа во дворот на околната црква во гратчето Santa María del Tule, во Мексико. Неговата старост не се знае со сигурност, се претпоставува дека е некаде помеѓу 1200 и 3000 години. Последните информации велат дека дрвото полека умира поради тоа што неговите корени се оштетени од загаденоста на околината и нејзината недоволна влажност.

88

7

Дрвото Сабина

Ова е најпознатото џунипер дрво кое се наоѓа на шпанскиот остров El Hierro. Круната на ова дрво е речиси закопана во земјата и истото изгледа како да е поклонето пред природата. Оваа необична форма се должи на деформација причинета од константните ветрови на островот.

11

Дрвото Канделабра

Дрвото Канделабра е со висина од 96 метри и е едно од највисоките дрвjа во светот. Ова дрво се наоѓа во Леџет, Калифорнија и е дел од Drive Thru Tree паркот. Паркот го добил називот по самото дрво во чие стебло во 1930та година била избушена дупка широка и висока 2 метри, за да може да се одвива непречено сообраќајот. И до ден денес дрвото служи како тунел и низ него секојдневно поминуваат стотици автомобили.

9

10

СПОДЕЛИ
Претходна објаваКако навистина изгледал Vincent van Gogh | Tadao Cern
Следна објаваФотографии со вонвременски приказни | Cade Martin
Величeњето и практикувањето на креативната страна на животот предизвикана од љубовта кон убавото ја одликува со особен креативен шарм и инспирација затекната на различни места. Пасионирана вљубеничка во визуелните форми на уметност, ја поддржува тежината на автентичните креативни артефакти кои го издржале тестот на времето - доволно долго за да создадат нова приказна за уметноста, раскажана преку херојските очи на истата.

НЕМА КОМЕНТАРИ

ОСТАВЕТЕ ОДГОВОР