Можеби најголемата музичка дива на денешната поп-сцена, Бијонсе, реши да сподели со нејзините обожаватели и широката јавност нешто интимно и уникатно – личен документарен филм за нејзиниот живот, со наслов Life Is But A Dream.
Како што наговестува трејлерот за истиот, филмот ќе ја покаже вистинската Бијонсе зад ‘ѕвездената’ завеса и ќе ја прикаже секојдневната борба на пејачката да остане актуелен изведувач, но сепак достоинствена личност. Докуметарниот филм е во режија на самата Бијонсе и за истиот ќе бидат искористени приватни снимки од нејзиниот живот: нејзиното детство, снимањето во студио, подготовките за настапите во живо, нејзината улога на мајка на Блу Ајви и жена на Џеј Зи.
Life Is But A Dream ќе биде премиерно прикажан следниот месец, на 16-ти февруари на каналот HBO.
