Sculpture For Living е дуплекс во Astor Place Tower, и еден од најубавите апартмани во Њујорк со неверојатен поглед на Менхетн. Беспрекорниот дизајн е на сега покојниот американски архитект Charles Gwathmey во соработка со Robert Siegel Architects. На простор од 410 квадратни метри, дуплексот располага со три спални соби и три и половина бањи, како и пространа, но едноставна и ралаксирачка тераса со џакузи. Фактот што апартманот се наоѓа на 17иот и 18иот кат на зградата, овозможува исклучителен поглед од високо на Менхетн.

Во внатрешното уредување преовладува модернистички стил, карактеристичен за архитектот Charles Gwathmey. Ѕидовите, големите прозорци, дрвените подови и доминацијата на белата боја, потсетува на дизајнот на ентериер во модерните скандинавски домови. Минималната исполнетост на апартманот, овозможува уредување и декорирање на внатрешноста на просторот по желба и вкус на сопственикот.

Луксузниот дуплекс апартман се продаде минатата година по цена од 10 милиони долари.

 

СПОДЕЛИ
Претходна објаваКнига 360 | Yusuke Oono
Следна објаваМодни детали од париските улици | Прв дел
Величeњето и практикувањето на креативната страна на животот предизвикана од љубовта кон убавото ја одликува со особен креативен шарм и инспирација затекната на различни места. Пасионирана вљубеничка во визуелните форми на уметност, ја поддржува тежината на автентичните креативни артефакти кои го издржале тестот на времето - доволно долго за да создадат нова приказна за уметноста, раскажана преку херојските очи на истата.

НЕМА КОМЕНТАРИ

ОСТАВЕТЕ ОДГОВОР