Под претпоставка дека навистина е тешко да се соочиме со фактот дека константно купуваме и таложиме (не)потребни работи во домот, истовремено, мора да се натераме себеси дел по дел да се ослободуваме од истите – дали конечно е дојдено времето да ги подариме некому или истите да завршат во канта. Како чин на освестување послужува уметничката инсталација на холанѓанецот Anouk Kruithof, бидејќи книгите не се исклучок од оваа категорија. Наместо достоинствено средени на уредна полица, Kruithof создава илузија на „Џиновски ѕид од книги“, каде 3500 примероци во колоритна разиграност се наредени во правоаголна рамнотежа. Една минималистичка структура која наместо тули, користи книги: како потсетник уште денес да ги средите Вашите наслови!