Есента е совршено годишно време за прошетки во прекрасните европски градови, а провлекување на топлите денови во есента оваа година, создаде уште попријатни временски услови за патувања. Пред извесно време, ви ги презентиравме убавините на Кембриџ во есен, а овојпат за посета Ви го предлагаме главниот политички, трговски, културен и индустриски центар на Унгарија, Будимпешта. Градот кој се протега на двата брега на реката Дунав, важи за еден од најубавите во Европа, со голема култура и традиција, совршен портрет на спој на историја и модернизам.

Будимпешта е дефинитивно град за пешачење, погоден за долги прошетки по Плоштадот на Хероите, градските паркови како Островот Маргарет, разгледување на преубавите дворци, катедрали, синагоги и седнење на терасите на малите удобни кафулиња и ресторани во градот. Архитектурата на градот е нешто што е особено за Будимпешта. Изобилува со влијанија на Римската Империја, Готски и Нео-готски, Ренесансни и Нео-ренесансни, Барокни, Арт Нуво како и остатоци од Отоманската Империја. Од внатрешните активности, вреди да се посетат некои од стотиците музеи, како уметничките: Музејот на Убави Уметности, Музејот на Современа Уметност, Музејот на Музичка Историја, Националната Галерија, историските и природнонаучните музеи, а не смеат да се пропуштат музеите со необична тематика како: Музејот на Поштенски Марки, Музејот на Електротехника, Музејот на Транспорт, Железничкиот Музеј и Кодак – филмскиот парк. Од останатите активности, доколку го сакате животинскиот свет, дефинитивно треба да го посетите Тропикариум – најголемиот аквариум на солена вода во Европа и зоолошката градина, кои се домови на илијадници водени и копнени животни.

Освен што климата е совршена и градбите изгледаат извонредно во боите на есента, во овој период од годината во Будимпешта се случуваат повеќе културни и забавни настани како: Интернационалниот Маратон, Кафе Будимпешта – Фестивал на Современа Уметност, Недела на Дизајн и повеќе гастрономски настани како: Фестивалот на Палинка и Колбаси, Новиот Фестивал на Вино и Сирење и Вкусот на Унгарија – Гастро Саем. За крај, да Ве потсетиме, Будимпешта не залудно е позната и призната туристичка дестинација и доколку не сте ја посетиле, направете го тоа оваа есен.

Плоштадот на хероите
Панорама на реката Дунав и “Széchenyi Chain Bridge”
“National Museum of Art”
Панорама на парламентот
Пaрламентот одблизу
Паркот “Мargaret Island”
Бањите “Széchenyi”
Интернационалниот маратон во Будимпешта 2010
Дел од кејот на реката Дунав
Ноќна панорама на “Széchenyi Chain Bridge”
Ноќна панорама на градот

СПОДЕЛИ
Претходна објаваРазговор со Бог
Следна објаваНајлуксузните тематски апартмани во светот | Втор дел
Величeњето и практикувањето на креативната страна на животот предизвикана од љубовта кон убавото ја одликува со особен креативен шарм и инспирација затекната на различни места. Пасионирана вљубеничка во визуелните форми на уметност, ја поддржува тежината на автентичните креативни артефакти кои го издржале тестот на времето - доволно долго за да создадат нова приказна за уметноста, раскажана преку херојските очи на истата.

НЕМА КОМЕНТАРИ

ОСТАВЕТЕ ОДГОВОР