Опкружени со планински шуми и карпи, идеално интегрирани во пејзажот или величенствено над него, овие базени се вистинско совршенство.
Пливањето во зима во надворешни топли базени е искуство кое се памети, особено кога сте опкружени со прекрасни пејсажи и снег. Ние ви прикажуваме 5 најубави надворешни базени во планините, каде што можете да ја поминете оваа зима во релаксација по напорен ден од скијањето.
Hotel 7132 – Швајцарија
Идеално место за одмор, каде што конечно можете да се посветите на самите себе. Минималистички хотел за одмор на душата и телото со термални бањи и спа центар.
Alpin Panorama Hotel Hubertus – Италија
Во овој хотел базенот е главната атракција. Тој е исто така една од најпрепознатливите градби и сето поради тоа, што базенот од 25 метри е изработен од бетон со стаклено дно, а се крева над карпите дури 12 метри.
Aqua Dome – Австрија
Aqua Dome е познато термално лекувалиште во австриските Алпи меѓу две планини, чија архитектура го рефлектира локалниот пејзаж, кој е мека за познавачите на алпските извори и врвните спа центри. Термалните води доаѓаат во хотелот од изворот кој се наоѓа на длабочина од 1.865 метри.
Hotel Schwarzer Adler Kitzbühel – Австрија
За да уживате по сауната, во пливањето во големиот базен со подводен звучен систем, ќе мора да протрчате малку над мраз…но сите знаеме дека тоа е уште покорисно за телото.
Hotel Villa Honegg – Швајцарија
Велат дека Вила Хонег е најмалиот бутик хотел во Швајцарија, но тоа го прави уште поинтересен. Топлата вода, која е секогаш 34 степени и музичката придружба, секако допринесуваат да им се восхитувате на спектакуларните пејсажи.